تعلمـت الـبچه والنـوح والـهـم
وبيدي اكرع كؤوس الصبـر والهـم
الـي حوبـه علـه العـذال والهـم
عقوبـه مـن الالـه بكـل مسيـه
...................................
ليالـي الشـوك بحضانـج دفيـنـه
طربـنـه وللهوى كلـنـه دفيـنـه
چثـيـر آلآم البكلـبـي دفـيـنـه
تبـي مطرب يغنيـهـن علـيـه
..................................
يصاحب لا تظـن روحـي رحلـه
بـعـد مـاتـاه بالبـيـده رحـلـه
بكت تطحن فلا تبطـل رحـى الـه
صبر ومـن الصبـر مـاتچل هيـه
....................................
امر مـن الشـري ظكنـه ترحنـه
ودوم ايـزود ماينكـص ترحـنـه
متـى الأيـام ياساعـه .. ترحنـه ؟
مـن ذل الهـوان وتـعـز اهـيـه
.................................
يكفّينـي مـن همومـي هـم الكـم
عظيـم ولا تظـن كلبـي هملـكـم
احبائـي بعـد رجعـه هـم الـكـم
تعـودون ويعـود الـفـرح لـيـه
--------------------------------------
ردت دمي المشى بداخل وريدك
ومثل متريد مشيني وريدك
فراكك حيل مرمرني وريدك
وعلى جروحي تدوس بلاخطيه
-----------------------------------------
تشوف اهمومي بعيونـــك وترها
وتغيب وتكطــــــع بروحي وترها
يرهيك الوكت يسمـــــــــر وترها
وتصير انت ابو راهي عليه
-----------------------------------
حبيبي ارفع رصيدك من هوانا
ربح والله بحياته مــــــن هوانا
شنفرق منهو انت ومنــــو انا
مثل روحين ونجمعن سويه
-------------------------------------
اساس بعشــرتي وياك صبيت
جنني الهوى وبالشوك صبيت
اذا انت عليـــــه دموع صبيت
عميت عيوني من فركاك اليه
----------------------------------------
احبك واحب عينــــــــــــــك ورمشاك
واظل طول العمـر امشي وره مشاك
اذا تكطع علي مرســـــالك ورمشاك
اموت وما يظل كل نفس بيه
----------------------------------
لغيرك مارجـــــــــــف كلبي ولا دك
وثكيل وياك ميــــــــــــزاني ولا دك
جهازك لا علي رمـــــــــش ولا دك
قساوة البيك لو نقصان بيه
-------------------------------------
دوم انشــــــــــد عليك الراح والرد
الوفه منك نبع والطيــــــــــب ورد
ردت منك جــــــــواب الهاي والرد
اعز الناس ما يسأل عليه
---------------------------------
تشوف اهمومي بعيونـــك وترها
وتغيب وتكطــــــع بروحي وترها
يرهيك الوكت يسمـــــــــر وترها
وتصير انت ابو راهي عليه
--------------------------------
غياب اجفاك لرمــــوشي لجنها
عميت اوروح ماعــــــادت لجنها
وكك علي او دمــــــــعي اجنها
ارخصت يوم شح وصلك عليه
اودك من جنت يشكر مـــن الليل
بجمالك ما اظن يوصف مـن الليل
وحكك مانمت ساعة مـــن الليل
لاجلك ونفرض حبك عليه
سعيت ابغوجي يحبابي وراكم
بعدتو او بعد ما وجـــــد بعدكم
دهري اهمــوم حملني وراكم
اناحط بالحمل غصبن عليه
جمالك زاد عن يوســف وقبله
وحبك صار لي منبــــــر وقبله
امر اعلى الصخر يافلان وقبله
لان قلبك صخر ما حن عليه
الرئيسية 
أحدث الصور 
التسجيل 
دخول 
الجمعة أكتوبر 10, 2008 5:55 am
